گل گولوم رحم ائله سن قلبیمی هیجران یارالار


آیریلیق آتشینه یار بو کونول گونده یانار


عشقیمیز سالدی منی باخ نه یامان گونلره یار


اولموشام بیر دلی کی فیکری ائله سنده قالار


اوره ییم بیر تیکه دیر گول اوزونه نازلی نیگار


ائله سنسیزله میشم من کی گؤزومدن سئل آخار


بو کونول آیریلا بیلمز چون کی عشقینده یاشار


سن کی گئتدین گونو گوندن منه دونیا دارالار


هامیسین قوی کینارا بونلارین ای وارلی باهار


حسرتیندیر کی منیم اینجه جانیمدانجان آلار


نه اولار ای اولو تانری اولاسان معجزه کار


یوخ اولا غملی سبب کی یاری مندن آرالار

 

گینه سن نن دانیشدیم دولدی بوغملی گوزلریم


سسیمی اشیتمدین قالدی اورک ده سوزلریم


اله بیر سن نن سورا دونیادان ال اوزمه لی ا م


نجه سن سیز لیقه من حسرتیله دوزمه لی ام


منی پروانه تکین گونده دولاندر باشیوا


گورمویوم آغلیاسان !! قوربان اولوم گوز یاشیوا