seviram seni gulum

دیندیر منی هر دم گؤزه لیم ، فورصت اولاندا

وصلین بیزه بیر آن ، نه اولار، قیسمت اولاندا؟

یوزلرجه جفا ائتسین ، اونودماز سنی کؤنلوم

فیکیریمده سن ای گول ، یئنه هر صحبت اولاندا

کؤنلوم نئجه سنسیز ، گؤزه لیم ناله سیز اولسون

بولبول دایانارمی گولونه حسرت اولاندا

seni sevirem

سن سیز ای شوخ منیم خوش گذرانیم یوخدور

سن کی یوخسان ائله بیل جیسمده جانیم یوخدور

عشق پروانه سی یم ، غم اودونا تابئم وار

خسته بولبول کیمی هر لحظه فغانیم یوخدور

بو یامان گونده منیم تکجه اؤمیدیم سن سن

سن سیز هئچ بیر کسه عالمده گمانیم یوخدور

صبر و آرامیمی الدن ، غم هجرانین آلیب

بیرده غم چکمه گه جیسمیمده توانیم یوخدور

حاضیرام جانیمی عشقینده فدا ائیله مه یه

قسم او جانینا بیر ذره یالانیم یوخدور

واحیدم آتش حسرت ، بورویوب دور و بریم

یانیرام حالیمه بیر قلبی یانانیم یوخدور